ҲАМАС музокаралар гуруҳи раҳбари Халил ал-Хайя урушнинг якунланганини ва доимий оташкесим ҳақидаги келишув кучга кирганини маълум қилди.
Reuters агентлиги хабар беришича, ал-Хайя телемурожаат орқали берган баёнотида ҲАМАС АҚШ ва воситачилардан урушнинг тугагани ҳақида кафолат олганини айтди.
“Биз бугун уруш тугаганини ва доимий оташкесим бошланганини эълон қиламиз. Келишувга кўра, Рафаҳ чегара ўтиш жойи ҳар икки томонлама очилади, шунингдек, Исроил барча фаластинлик аёллар ва болаларни озод қилади”, — дейди Халил ал-Хайя.
