Хитой геологлари Хунан провинциясида дунёдаги энг йирик олтин рудаси конини топди. Бу ҳақда “Популар Mechanics” хабар берди.
Билдирилишича, ер остида 1100 тоннагача олтин кўмилган бўлиши мумкин, бу тахминан 83 миллиард долларга тенг. Хитой давлат матбуотига кўра, кашфиёт Пинсзян округидаги фаол Вангу олтин кони остидан чиққан. Геологлар тахминан 2000 метр чуқурликда 40 дан ортиқ олтин томирларини аниқлади ва 3D моделлаштириш захиралар янада чуқурроқ, 3 километргача чўзилиши мумкинлигини кўрсатмоқда.
Мутахассисларнинг таъкидлашича, жинсдаги олтин миқдори ҳар тонна руда учун 138 граммни ташкил этади – бу жаҳон олтин қазиб олиш саноати учун жуда кам учрайдиган кўрсаткич.
“Кўплаб бурғуланган жинслар кўриниб турган олтинни кўрсатди”, деди Хунан провинцияси Геология бюросининг руда қидириш бўйича мутахассиси Чен Рулин.
Агар ҳисоб-китоблар тасдиқланса, конь узоқ вақтдан бери тахминан 1025 тонна олтин захиралари билан дунёдаги энг йирик ҳисобланган Жанубий Африканинг Жанубий чуқур кони (Соутҳ Deep)ни ортда қолдиради.
Бу кашфиёт аллақачон жаҳон бозорларига таъсир қилган. ОАВ хабарларига кўра, олтин нархи бир унция учун 2700 долларгача кўтарилган. Олтиннинг энг йирик ишлаб чиқарувчиси ва истеъмолчиси бўлган Хитой жаҳон қимматбаҳо металлар бозоридаги ўз мавқеини сезиларли даражада мустаҳкамлаши мумкин.
