Россия Президенти Владимир Путин ва АҚШ Президенти Доналд Трампнинг Венгриядаги учрашуви икки ҳафта ичида ёки “бироз кейинроқ” бўлиб ўтиши мумкин. Бу ҳақда Россия Президенти матбуот котиби Дмитрий Песков маълум қилди.
Унинг сўзларига кўра, Россия ва АҚШ раҳбарларининг учрашувини ташкил этиш жараёни тез орада бошланади.
“Ҳа, учрашув икки ҳафта ичида ёки бироз кейинроқ бўлиши мумкин. Ҳозирча Президентларнинг бу учрашувни ўтказишга сиёсий иродаси бор. Аввало, бу масалани Ташқи ишлар вазири Сергей Лавров ва АҚШ Давлат котиби Марко Рубио муҳокама қилади. Улар аввал телефон орқали гаплашади, кейин учрашади ва барча тафсилотларни босқичма-босқич ишлаб чиқишади”, — дейди Песков.
