Бангладеш пойтахти Даккадаги Ҳазрат Шаҳжалал халқаро аэропортида 18 октябрь куни катта ёнғин юз берди.
Маълум қилинишича, ёнғин аэропостнинг юкхона ҳудудида тушдан кейин соат 14:30 атрофларида келиб чиққан. Ҳодиса сабаб аэропортда барча рейслар вақтинча тўхтатилган. Ёнғинни ўчириш учун 36 та ўт ўчирувчи бўлинма жалб қилинган.
Аэропорт директори Масудул Ҳасан Масуд ҳодисани тасдиқлаб, фавқулодда чоралар кўрилаётганини маълум қилган. Расмийлар самолётлар хавфсизлиги таъминлаганини билдирган.
Биман Бангладеш Аирлинес вакили Кавсер Маҳмуд ёнғин соат 14:15 да бошлангани, аеропорт ёнғин бўлинмаси, Бангладеш ҳаво кучлари ва бошқа гуруҳлар зудлик билан воқеа жойига етиб келгани ҳақида маълумот берган.
Интер-Сервиcес Публиc Релатионс ташкилоти ёнғинни ўчиришда фуқаролик авиацияси, ёнғин хизматлари, денгиз ва ҳаво кучлари ҳамда чегара қўриқлаш кучлари иштирок этаётганини маълум қилган. Барча рейслар вақтинча тўхтатилиб, баъзи самолётлар Чаттограм шаҳридаги Шаҳ Аманат ва Силҳет шаҳридаги Осмони аеропортларига йўналтирилмоқда.
Юкларга зарар етгани хабар илинмоқда. Бангладеш Фреигҳт Форwардерс Ассоcиатион директори Насир Уддиннинг айтишича, халқаро курьер юклари сақланадиган зона жуда катта зарар кўрган, яқин атрофдаги кимёвий омборхонада ҳам ёнғин чиққан. Ҳозирча жиддий талафот ёки қурбонлар ҳақида хабар йўқ. Ёнғин келиб чиқиш сабаби аниқланмоқда.
