The Wall Street Journal’нинг ёзишича, АҚШ делегациясини энди Давлат котиби Марко Рублио бошқаради. У Трампнинг махсус элчиси Стив Уиткофф ўрнини эгаллайди. Бу қарорни Украина ва Европа расмийлари ижобий қабул қилган.
Трамп жамоаси Россия президенти Владимир Путин билан кутилаётган учрашувни дипломатик жиҳатдан янада кучли тайёргарлик билан ўтказишни мақсад қилган. Август ойида Аляскада бўлиб ўтган илк саммит катта натижа бермаган ва “Москва фойдасига якунланган” деб баҳоланган эди.
16 октябрь куни Трамп Путин билан икки соат суҳбатлашиб, Будапештда янги учрашув ўтказишга келишганини билдирди. Шу ҳафта икки давлат делегациялари саммитга тайёргарлик бўйича йиғилиш ўтказади.
Шунингдек, Оқ уй Конгресс аъзолари билан биргаликда Россияга қарши янги санкциялар ваколатларини кенгайтириш бўйича қонун лойиҳасини тайёрламоқда. Ҳужжат кейинги 30 кун ичида овозга қўйилиши мумкин.
