Жанубий Кореяда аёл 15 йил ичида 400 га яқин косметик операция ўтказди ва бу учун 300 миллион вон (тахминан 210 минг доллар) сарфлаган. Бу ҳақда у tvN STORY телеканалидаги шоуда гапирди.
Маълум қилинишича, Гил Ли Вон шоуда иштирок этар экан, 2010 йилда биринчи марта пластик жарроҳлик амалиётини ўтказгани ва шундан бери ортга қарамаганини айтиб ўтган. Воннинг айтишича, 27 ёшдан 30 ёшгача бўлган даврда унинг йигитларидан бири ташқи кўринишини мунтазам танқид қилиб келган ва бу унинг ўзига бўлган ишончи ҳамда ҳурматини пасайтирган. Шу сабабли, аёл ўз қиёфасини кескин ўзгартиришга қарор қилган.
Гил сўнгги 15 йил давомида ўтказган кўплаб косметик муолажалар ҳақида сўз юритар экан, пешонага ёғ кўчириш, қулоқ шаклини тузатиш, икки қовоқ жарроҳлиги, кўз контурини коррекция қилиш, бурун пластикаси (ринопластика), филтрум қисмини қисқартириш, ияк ва юз контурини шакллантириш, елка қисмини тўлдириш, бўртма ва бўлакларни бартараф этиш, бўйин терисидаги ортиқча ёғни олиб ташлаш, думба акупунктураси, бутун тана липосаксияси, томир ҳужайралари инексиялари ҳамда турли хил тери муолажаларидан ўтганини эслаб ўтади.
“Агар косметик муолажалар ва дерматолог кўрикларини ҳам ҳисобласангиз, мен жами 400 га яқин процедурадан ўтдим. Буларнинг барчаси вақт ўтиши билан тўпланиб борди”,— дейди Гил.
