Блогер Санжар Каримовнинг (Реал Санжик) болалар уйига ҳовли ҳадъя қилмоқчи экани тўғрисидаги хабарларига Ижтимоий ҳимоя миллий агентлиги изоҳ берди.
Жорий йил 24 октябрь куни Санжар Каримов 22-сонли меҳрибонлик уйига ташриф буюриб, мазкур ҳовлини текин фойдаланишга бериш нияти ҳақида ариза қолдирган.
Унга меҳрибонлик уйлари тўлиқ давлат таъминотида бўлиб, ота-она қарамоғидан маҳрум бўлган болалар белгиланган тартибда уй-жой, овқатланиш, кийим-кечак, таълим ва тиббий хизмат билан таъминланиши маълум қилинган.
Бундан ташқари, турар жойни топширишга оид нотариал тасдиқланган ҳужжатлар тақдим этилмаган.
“Агентлик болаларни қўллаб-қувватлашга қаратилган ҳар қандай эзгу ташаббусларга ҳурмат билан қарайди. Бироқ шуни таъкидлаш жоизки, давлат муассасаларига кўчмас мулк ёки бошқа моддий ёрдам шаклларини топшириш зарур эмас”, дейилади хабарда.
