Ўзбекистоннинг Истанбулдаги Бош консулхонаси маълумотига кўра, Сакаря вилоятидаги жазони ижро этиш муассасасида сақланиб келган ватандош суд қарори билан эркинликка чиққан.
Консулхона хабарига кўра, дипломатлар 16 октябрь куни Сакаря вилоятидаги жазони ижро этиш муассасасига ташриф буюриб, ҳибсда сақланаётган бир гуруҳ ўзбекистонликлар билан учрашувлар ўтказган.
Улар билан ҳуқуқий маслаҳатлар ўтказилиб, адвокатлар билан ҳам алоҳида суҳбатлар ташкил этилган.
Маълум қилинишича, гиёҳвандлик воситалари ва психотроп моддаларни сақлашда гумонланиб, 2024 йилдан буён қамоқда бўлган ўзбекистонлик фуқарога нисбатан 30 октябрь куни бўлиб ўтган суд мажлисида озодликка чиқариш тўғрисида қарор қабул қилинган.
