Россияда никоҳни бекор қилганлар учун қўшимча жарима жорий этиш таклиф этилди. “Единая Россия” депутати Михаил Иванов ажрим учун 40 минг рубль, никоҳдан ўтаётган фуқароларга эса 20 минг рубль тўлаш тартибини жорий этишни таклиф қилган. Депутатга кўра, бу чекланган бюджет шароитида оилалар сонини сақлаб қолишга хизмат қилади.
Иванов, шунингдек, қонунчиликка “оналик ва болаликни обрўсизлантириш”ни тақиқловчи меъёр киритиш зарурлигини айтган. Оила сиёсати борасида федерал даражада ҳам муҳокамалар кучайган — айни пайтда ажрашган ота-оналарни болани биргаликда тарбиялашга мажбурловчи қонун лойиҳаси кўриб чиқилмоқда.
Статистик маълумотларга кўра, Россияда ажримлар сони сўнгги йилларда кескин ошган. 2024 йилда бу кўрсаткич 644 мингтагача камайган бўлса-да, никоҳлар сони ҳам пасайган. 2025 йилдан эса ажрашиш божи 650 рублдан 5000 рублгача оширилган бўлиб, бу “рус оилаларини мустаҳкамлаш” чораси сифатида баҳоланмоқда.
