Вьетнамда бир неча кун давом этган ёмғир сув тошқинлари ва кўчкиларга сабаб бўлганидан кейин камида 90 киши ҳалок бўлди, яна 12 киши бедарак йўқолди.
Вьетнам ҳукуматининг билдиришича, мамлакат бўйлаб 186 минг уй зарар кўрган ва уч миллиондан ортиқ чорва моллари нобуд бўлган.
Расмийлар этказилган зарарни 300 миллион доллардан ошиқроқ деб баҳолаган.
АФП ахборот агентлиги хабарига кўра, Дак-Лак тоғли провинсияси жиддий зарар кўрган, 16 ноябрдан бери у ерда 60 дан ортиқ ўлим қайд этилган.
Тўфон сўнгги ойларда Ветнамда содир бўлган сўнгги экстремал об-ҳаво ҳодисасидир. Мамлакат авваллари бир-биридан бир неча ҳафта ўтгач содир бўлган Калмаеги ва Буалой тўфонларидан кейин тайфунларга учраган.
Расмийларнинг айтишича, якшанба куни эрталаб 258 мингга яқин одам электр таъминотидан маҳрум бўлган, йирик магистрал ва темир йўл участкалари тўсиб қўйилган.
Энг кўп жабр кўрган ҳудудларга ёрдам кўрсатиш учун ҳарбий ва полиция ресурслари сафарбар қилинган.
