Россия президенти Владимир Путин Украинадаги урушни тугатиш учун асосий шартни яна қайд этди: Украина армияси Қрим, Луганск ва Донеск каби Москва даъво қилаётган ҳудудлардан тўлиқ чиқмас экан, Россия қуролни қўймайди. Киев эса ҳудудий йўқотишлар билан келишишни мутлақо рад этмоқда.
Путин Қирғизистондаги чиқиши вақтида Россия фронтда “ташаббусга эга” эканини, керак бўлса мақсадларига “күч билан” эришишини билдирди. У АҚШ ва Россия ўртасида қайта ишланаётган тинчлик режаси муҳокама қилинаётганини ҳам тасдиқлади.
Келаси ҳафта АҚШ делегацияси Москвага ташриф буюради. Бу пайтда Украинада ҳам АҚШ армияси котибининг сафари кутилмоқда.
Путин яна бир бор Украина раҳбариятини “легитим эмас” деб атади. Европа томонидан айтилган “Россия Европага ҳужум қилиши мумкин” деган огоҳлантиришларини эса “кулгули” деб баҳолади.
