ЕИ расмий сайтида маълум қилинишича, қарор 15 декабрь куни аъзо давлатлар ташқи ишлар вазирлари томонидан маъқулланган. Мазкур санкциялар, асосан, Россиянинг “соя флоти” ҳамда интернетдаги ахборот операцияларига қарши йўналтирилган. Рўйхатга илк бор АҚШ фуқароси ҳам киритилди.
Хусусан, МГИМО халқаро муносабатлар факультети декани Андрей Сушенсов, “Валдай” клуби билан боғлиқ бир қатор шахслар, россиялик ва хорижий экспертлар, шунингдек, украиналик журналист Диана Панченко ва Россия фуқаролигини олган америкалик Жон Марк Дуган санкция остида қолди.
Бундан ташқари, Россия Қуролли кучлари Бош разведка бошқармасининг уч нафар офицерига, шунингдек, БАА ва Ветнамга тегишли учта кема қатнови компаниясига нисбатан ҳам чекловлар жорий этилди.
