Бир йил ичида мамлакатга 11,7 миллион нафар чет эл фуқароси туристик мақсадларда ташриф буюрган бўлиб, бу ўтган йилга нисбатан қарийб 47 фоизга кўп. Бу ҳақда Миллий статистика қўмитаси маълум қилди.
Унга кўра, энг кўп туристлар қўшни давлатлардан келган: Қирғиз Республикасидан 3,3 миллион, Тожикистон ва Қозоғистондан эса ҳар бири 2,7 миллион нафар сайёҳ қайд этилган. Россиядан деярли 1 миллион турист ташриф буюрган.
Шунингдек, Афғонистон, Туркманистон, Хитой ва Туркиядан келган меҳмонлар сони ҳам сезиларли даражада ошган.
Осиё мамлакатлари орасида Ҳиндистон ва Корея Республикасидан келган туристлар улуши ҳам қайд этилган.
