Дональд Трамп бу ҳақда Truth Social’даги саҳифасида ёзиб, Канада Хитой билан яқинлашса, АҚШга кирадиган барча Канада маҳсулотларига дарҳол 100 фоизлик бож солинишини айтди.
Бунга жавобан Канада савдо вазири Доминик Леблан мамлакат Хитой билан эркин савдо битими тузишга интилмаётганини билдирди. Шунга қарамай, Канада бош вазири Марк Карни яқинда Пекинга ташриф буюриб, қатор иқтисодий келишувларни имзолагани АҚШ–Канада муносабатларида кескинликни кучайтирди.
Аввалроқ Трамп Канада ва Хитой ўртасидаги ҳамкорликни қўллаб-қувватлаган эди, бироқ Карнининг Давосдаги чиқишидан сўнг Вашингтон позицияси ўзгарди.
