Ўзбекистон Транспорт вазирининг биринчи ўринбосари Маманбий Омаров бошчилигидаги делегация Покистонга ташриф буюриб, Покистон Темир йўллар вазири ўринбосари Мазҳар Али Шоҳ билан учрашди.
Учрашувда транспорт-логистика соҳасида минтақавий боғлиқликни мустаҳкамлаш, янги йўлаклар яратиш ва юк ташиш ҳажмини ошириш масалалари муҳокама қилинди.
Шунингдек, томонлар “Ўзбекистон – Афғонистон – Покистон” темир йўли лойиҳасини ишлаб чиқиш бўйича келишувга эришди.
Янги “Покистон – Хитой – Қирғизистон – Ўзбекистон” транспорт коридори бўйича пилот ташишлар жорий йил февраль ойида амалга оширилиши режалаштирилган.
