Бу ҳақда “Nemolchi” лойиҳаси хабар қилди.
Маълум қилинишича, эркак ва аёл спорт мусобақаларида иштирок этиш учун хизмат сафари билан Тошкентга келган. 18 декабрдан 19 декабрга ўтар кечаси эркак кечки овқат баҳонаси билан аёлнинг меҳмонхонадаги хонасига кирган.
Аёл унинг таклифини рад этганига қарамай, эркак шаҳвоний ҳаракатлар қилишга уринган. Судда жабрланувчи очиқчасига рози эмаслигини айтгани, шундан сўнг эркак уни каравотга йиқитиб, ёстиқ билан бўғишга уринганини билдирган. Аёл қаршилик кўрсатиб, хонадан чиқиб кетишга муваффақ бўлган.
Судда эркак айбини тан олган. Суд уни Маъмурий жавобгарлик тўғрисидаги кодекснинг 41-1-моддаси (шаҳвоний шилқимлик) бўйича айбдор деб топиб, 5 сутка маъмурий қамоқ жазосини тайинлаган.
