Ўзбекистон Республикаси Ички ишлар вазирлиги хабарига кўра, Жумаев интервью монтажини текширмаганини ва вазиятга енгил қарагани учун пушаймонлигини билдирган.
“Ҳар қандай нотўғри хабар учун жазо бор. Ҳаммадан узр сўраймиз”, — деган у.
Эслатиб ўтамиз, жорий йил январь ойида суд қарори билан Асадбек Жумаев Маъмурий жавобгарлик тўғрисидаги кодекснинг 195-2-моддаси билан 8,4 млн сўм жаримага тортилган эди.
У интервьюда бошқа шахслар бундай ҳолат учун 15 суткага қамалиши мумкинлигини, ўзи эса жарима билан қутулиб қолганини айтиб, қилган ишидан фахрланишини билдиргани жамоатчилик эътирозига сабаб бўлган.
