Бугун, 3 март куни соат 03:26 да Тошкент шаҳар Фавқулодда вазиятлар бошқармасига Мирзо Улуғбек тумани Буюк Ипак йўли кўчасидаги тўрт қаватли уйнинг хонадонларидан бирида ёнғин чиққани ҳақида хабар келиб тушган.
Қутқарув экипажлари соат 03:34 да воқеа жойига етиб бориб, ёнғинни соат 03:40 да тўлиқ бартараф этган. Дастлабки маълумотларга кўра, уйнинг иккинчи қаватидаги хонадонда 10 квадрат метр майдонда уй жиҳозлари ёниб зарарланган.
Ёнғин оқибатида тан жароҳати олганлар йўқ. Ҳодиса сабаблари аниқланмоқда.
