Унга кўра, 2026/2027 ўқув йилидан бошлаб тиббиёт ОТМларида оширилган тўлов-контракт асосида қабулни бекор қилиш таклиф этилмоқда.
Соғлиқни сақлаш вазирлиги томонидан эълон қилинган ҳужжатга мувофиқ, бакалавриат, магистратура ва резидентура босқичларида минимал ўтиш баллари белгиланиши режалаштирилган: шифокорлик мутахассисликлари учун — 70 фоиз, ўрта тиббиёт ходимлари учун — 60 фоиз.
Шунингдек, энг кўп тарқалган ва ўлим даражаси юқори бўлган касалликлар бўйича ажратиладиган кредит соатларини ошириш, таълим жараёнига далилларга асосланган тиббиёт ва симуляция марказларида амалий машғулотларни мажбурий жорий этиш кўзда тутилган.
Лойиҳада тор ихтисосликлар бўйича шифокорларни тайёрлаш фақат резидентура ва магистратура орқали амалга оширилиши, қисқа муддатли қайта тайёрлаш курслари ҳамда интернатура орқали ихтисослаштириш амалиётини бекор қилиш таклиф этилган. Лойиҳа муҳокамаси 18 мартга қадар давом этади.
