Миллий статистика қўмитаси маълумотларига кўра, 2025 йил давомида Ўзбекистонда 879,6 мингга яқин тирик туғилиш ҳолати қайд этилган. Энг кўп чақалоқ туғилган ҳудудлар орасида Наманган шаҳри етакчилик қилди.
Маълум қилинишича, 2025 йилда Ўзбекистон бўйича жами 879 599 та тирик туғилиш ҳолати рўйхатга олинган. Шу билан бирга, энг кўп чақалоқ туғилган туман ва шаҳарлар рейтинги ҳам шакллантирилди
Унга кўра, Наманган шаҳри 18 524 та туғилиш билан биринчи ўринни эгаллади. Кейинги ўринларда Самарқанд вилояти Ургут тумани (16 212 та) ва Андижон шаҳри (14 581 та) жойлашган.
Шунингдек, рўйхатдан Денов тумани (12 406 та), Самарқанд шаҳри (11 819 та), Пастдарғом тумани (9 782 та), Косон тумани (9 159 та), Қамаши тумани (9 115 та), Тошкент шаҳрининг Олмазор тумани (9 035 та) ҳамда Асака тумани (8 266 та) ўрин олган.
