Бу қарор Пекинда Тайваннинг мухолифатдаги Куоминтанг (KMT) делегацияси ташрифи фонга тўғри келди.
KMT раиси Ченг Ли-Вун Хитойга сўнгги ўн йил ичида илк бор партия етакчиси сифатида ташриф буюрди. Унинг сафари Тайванда сиёсий муҳокамаларга сабаб бўлди.
Хитой 2016 йилдан буён Тайван билан юқори даражадаги алоқаларни тўхтатган бўлиб, оролни ўз ҳудуди деб ҳисоблайди. Тайван эса бу даъволарни рад этади.
Пекин “тинч ривожланиш ва алмашинувларни кенгайтириш”га қаратилган 10 та чорани эълон қилди. Улар орасида айрим шаҳарлар аҳолиси учун Тайванга индивидуал саёҳатларни тиклаш ҳамда бир қатор шаҳарлар ўртасида тўғридан-тўғри авиақатновларни қайта йўлга қўйиш режалари бор.
