Нидерландиянинг Гелдерланд вилоятида жойлашган ҳарбий ҳудудда катта ёнғин содир бўлди.
Хабарларга кўра, “Т-Харде” қишлоғи яқинидаги артиллерия полигонида чиққан ёнғин тахминан 500 гектар майдонни қамраб олган. Ҳудудда портламай қолган ўқ-дорилар мавжудлиги ўт ўчириш ишларини қийинлаштирмоқда, шу боис мутахассислар асосан хавфсиз чекка ҳудудларда иш олиб бормоқда.
Ҳозирча ёнғин тўлиқ назоратга олинмаган бўлиб, уни бартараф этиш бир неча кун давом этиши мумкин. Операцияга 100 дан ортиқ ўт ўчирувчи ва ҳарбий техника жалб қилинган.
Шунингдек, Шимолий Брабант вилоятидаги яна бир ҳарбий полигонда ҳам ёнғин қайд этилгани маълум қилинди.
