Дональд Трамп Оқ уйда журналистлар билан мулоқот чоғида НАТОга аъзо Европа давлатларини танқид қилди. Унинг айтишича, айнан улар Украинада “тартибсизлик” келтириб чиқарган, АҚШ эса вазиятни барқарорлаштиришга ёрдам бермоқда.
Трамп, шунингдек, собиқ президент Жо Байден Украинага 350 миллиард доллар ажратганини “телбалик” деб атаб, бу қарор урушнинг чўзилишига сабаб бўлганини таъкидлади.
Бундан ташқари, у Германия канцлери Фридрих Мерцни ҳам танқид қилиб, Берлин Украинадаги можарога кўпроқ эътибор қаратиши кераклигини, АҚШ ва Эрон ўртасидаги зиддиятга аралашмаслиги лозимлигини айтди.
Мерц эса ўз навбатида Вашингтон ва Теҳрон ўртасидаги музокараларни самарасиз деб баҳолаб, Эрон АҚШни “камситаётгани”ни билдирган.






