2026 йилги футбол бўйича Жаҳон чемпионатининг 1/8 финал босқичида Испания терма жамоаси Португалияни минимал – 1:0 ҳисобида мағлуб этиб, чорак финалга йўл олди.
Техас штатининг Арлингтон шаҳрида бўлиб ўтган баҳсда учрашув тақдирини ҳал қилган ягона гол асосий вақтга қўшиб берилган 90+1-дақиқада ярим ҳимоячи Микел Мерино томонидан киритилди.
Ушбу натижадан сўнг Криштиану Роналду бошчилигидаги Португалия терма жамоаси мундиал билан нимчорак финал босқичида хайрлашди. Испания эса чорак финалда АҚШ ҳамда Бельгия терма жамоалари ўртасидаги учрашув ғолибига қарши майдонга тушади.
Мазкур учрашувдан кейин Испания терма жамоаси дарвозабони Унаи Симон Жаҳон чемпионатлари тарихида гол ўтказмасдан ўтказилган дақиқалар бўйича ўзининг рекорд сериясини 609 дақиқага етказди.
Унинг мазкур серияси 2022 йилги Жаҳон чемпионати гуруҳ босқичининг сўнгги ўйинидан буён давом этмоқда.
