— Кўпинча еган овқатим ҳазм бўлмай, қийналаман. Қандай чора кўрсам экан-а?
Саломат, Жиззах шаҳри.
Элмира Муҳаммадиева, терапевт:
Овқат сингишига ёрдам берадиган шундай бир муолажани уй шароитида қўлласангиз бўлади: мойчечак, қизил пойча (зверобой), бўзноч (бессмертник), ертут (земляника) барглари ва оққайин куртагининг ҳар биридан 100 граммдан олиб, яхшилаб аралаштиринг. Шунинг икки ош қошиғини термосга солиб, устига 400 грамм қайноқ сув қуйинг. 7-8 соат турсин. Ҳар куни икки маҳал овқатланишдан 20 дақиқа олдин ярим стакандан илиқ ҳолида ичишингиз керак. Агар дамламани тахир ҳолида ичолмасангиз ичига бир чой қошиқ асал солинг. Муолажа муддати - икки ой.
