“Қўқон-1912” жамоаси икки кунлик танаффусдан сўнг тайёргарликнинг 3-босқичини бошлади. Клуб матбуот хизматининг маълум қилишича, кечаги машғулотда сербиялик ҳужумчи Филипп Райевац илк марта иштирок этди.
Филипп Райевац 21 июнь 1992 йилда туғилган. Ҳужумчи қўқонликлар сафига Белграднинг “ОФК” клубидан келиб қўшилди.
У бир қатор Сербия суперлигаси жамоаларида фаолият юритган. Легионер сифатида Польша давлатида ўйнаган. 2009 йилдан бери 138 учрашувда майдонга тушган ва 42 та гол уришга эришган.
