my5
all

​Азиза Ниёзметованинг 25 йиллик юбилей концерти кутилганданда аъло ўтди (ФОТО)

ШОУ-БИЗНЕС 28.01.2017, 12:07
Теглар: Хонанда, Фото, Концерт
4832
​Азиза Ниёзметованинг 25 йиллик юбилей концерти кутилганданда аъло ўтди (ФОТО)

26-27 январь кунлари хонанда Азиза Ниёзметованинг “Юрагимдан жой бераман, келсангиз” деб номланган 25 йиллик юбилей концерт дастури бўлиб ўтди.

Хонанданинг мухлислари томонидан орзиқиб кутилган концерт кутилганидан-да, аъло даражада ўтди десак муболаға бўлмайди, хонанданинг ўзи ҳам концертлар борасидаги 10 йиллик танаффусдан сўнг мухлисларнинг бунчалик эътиборини кутмаган бўлса керак. Концерт дастурига турли вилоятларидан ташриф буюрган мухлислар севимли хонандаларининг қувончига шерик бўлишди. 27 январь куни дастур Азиза Ниёзметованинг таваллуд айёми билан уйғун ҳолда ўтди. Ташриф буюрганлар хонандани ҳам ижодий кеча ҳам таваллуд айём билан муборакбод этишди.

Дастурда жами 21 та қўшиқ ижро этилди, уларнинг деярли ярмини янги қўшиқлар ташкил этади. Шуни алоҳида таъкидлаш лозимки, хонанда бир қанча қўшиқларни жонли ижро этиб, фонограммага боғланиб қолмаганлигини исботлай олди. “Кишмиш”, “Найлайин” ва “Бу кўча” қўшиқларини мухлислар ҳам жўр бўлиб ижро этишди.

Хонанда томонидан куйланган дуэтлар айниқса олқишлар билан кутиб олинди. Айтайлик , хонанда Собиржон Мўминов билан куйлаган “Хоразмга куёв бўламан” дуэтининг яратилганига 20 йилга яқин вақт бўлган бўлса-да, ҳамон мухлисларнинг энг севимли таронаси бўлиб қолганини яна бир бор гувоҳ бўлиш мумкин. Ўзбекистон ва Қорақалпоғистон халқ артисти Ғуломжон Ёқубов билан куйланган “Оғажон” дуэти ҳам тез орадан хит тароналар қаторидан жой эгаллаши шубҳасиз.

Азиза Ниёзметованинг ёш хонанда билан ижро этган ҳалфачилик йўналишидаги жонли ижродаги дуэти дастурга ҳақиқий хоразмча руҳ бағишлади.

Дастурга марҳум устоз санъаткор Бекжон Жуманиёзов репертуридан жой эгаллаган “Лазги” таронаси якун ясади. Мухлислар зални жўшқин кайфиятда тарк этишди.

Дастурнинг ўзгача файзли ўтишида албатта ашула ва рақс ансамблларининг ўрни бор. “Ўзбекистон”, “Наврўз” ва “Сирдарё наволари” ансамблари фольклор ва замонавий рақсларни маромига етказиб ижро этишди.

Дарвоқе, икки кун давомида сарой зали лиқ тўла бўлганини алоҳида эътироф этиш лозим.

Кутилгандан-да аъло ўтган концерт дастурининг замирида режиссёр Ойбек Алиев, продюссер Маҳлиё Рўзиева ва унинг “Дилкаш лаҳзалар” корхона ходимларининг алоҳида ўрни бор ва шубҳасиз уларнинг меҳнатлари ўз самарасини берди.














Шарҳлар

Сирдарёдан махсус репортаж: Халқ артистлари халқ хизматига келди… (Фото)

23.05.2020, 12:43

Бугун кўнгилларни обод қиламан деган ҳар кимнинг йўли Сирдарё вилоятига туташиши аниқ. Техноген офат чин маънода бутун миллатни оёққа турғизди, бир тан-у бир жон бўлишга...
Президент Сардобада: 1480 хонадондан иборат 37 та уйнинг пойдеворига тамал тоши қўйилди (фото ва видео)

15.05.2020, 14:27

 Ўзбекистон Республикаси Президенти Шавкат Мирзиёев 15 май куни Сирдарё вилоятига келди.Маълумки, жорий йил 1 май куни Сардоба сув омбори тўғонининг бир қисми ўпирилиб, ёндош туманлардаги...
Шимоли-ғарбий ҳарбий округ ҳарбийлари сирдарёликларга ёрдам беришни бошлади (Фото)

05.05.2020, 12:22

3 май куни Шимоли-ғарбий ҳарбий округдан 300 нафардан ортиқ ҳарбий хизматчилар ҳамда 20 га яқин ҳарбий ва махсус техника Сирдарё вилоятининг Сардоба сув омборида содир...
Қашқадарёда фотоқопқонга тушган қор қоплонининг суратлари эълон қилинди

29.04.2020, 12:46

Қашқадарё вилояти Ҳисор давлат қўриқхонасига  ўрнатилган фотоқопқонга қор қоплонининг ноёб кадрлари тушиб қолди.Қор қоплони Ўзбекистоннинг юқори қор тизмаларида яшовчи жонивор бўлиб, сайёрадаги ҳайвонот оламининг камёб турларидан бири...
Кун мавзуси: коронавирус
Об-ҳаво: Ташкент
Валюта курси