Эҳтиёт бўлинг, узук!
Узуклар бармоқларнинг биологик фаол нуқталари орқали организмнинг энг муҳим тизимлари — овқат ҳазм қилиш, гормонал, таносил, таянч-ҳаракат тизимларига таъсир кўрсата олади. Узукларни бир суткада 6 соатдан кўп тақиш тавсия этилмайди. Кечаси эса уларни албатта ечиб қўйиш керак. Бир вақтнинг ўзида учтадан кўп узук тақиш мумкин эмас.
Бармоқларни жуда сиқиб турадиган узук радикулит ва остеохондрозни келтириб чиқариши мумкин.
Тилла — депрессияга қарши!
Тилла организмдаги барча жараёнларни фаоллаштиради. Шунинг учун меланхолия, апатия ва иштаҳа йўқлигида бу металлдан ишланган тақинчоқ тақиш тавсия этилади. Бундан ташқари, тилла хотирани яхшилаб, юракни бақувват қилади. Кумуш узук ва зирак тақиш серзардалик ҳолатларида ёрдам беради. Қолаверса, кумуш нафас олиш ва овқат ҳазм қилиш тизимлари хасталикларида ёрдам беради.
Тилла ва кумуш тақинчоқни биргаликда тақиш тавсия этилмайди. Чунки бу металларнинг биоқуввати турлича. Шунинг учун биргаликда таққанда организмга салбий таъсир кўрсатиши мумкин.
«Маккор» бижутерия
Бижутерия нархи арзон бўлса-да, аллергия чақиради. Бу кўзни қувнатадиган узукчалар, билагузукча ва зиракчалар улкан кўнгилсизликларни «туҳфа этиши» мумкин. Чунки аллергия ўзини кутилмаганда намоён этади.
Энг аллергия чақирувчи тош — никель. Бу металлдан ясалган тақинчоқ қарийб 20 фоиз инсонда тери қичишишини келтириб чиқаради.
«Мўъжизакор» тошлар
Жигар фаолияти бузилганда малахит (яшил рангли тош)ли мис зирак тақиш тавсия этилади. Жинсий муаммоларни ҳал этишда эса қизил рангли тошлар — рубин, турмалин, қизил сердолик ва қизил яшма ёрдам беради.
Кимнинг буйраги ва таносил тизимида муаммолари бўлса, нефрит ва кумуш тақишни тавсия этиш мумкин.
Қайси бармоққа тақиш керак?
Ҳар бир бурж вакилининг муайян тоши борлигини ҳамма билади. Бироқ бу тош организмга ижобий таъсир кўрсатиши учун у билан безак берилган тақинчоқни қайси бармоққа тақиш кераклигини ҳам билиш керак. Ҳамал, арслон, ўқотар буржлари вакиллари учун бу кўрсаткич бармоққа тўғри келса, сунбула, савр, жадий ўрта, жавзо, мезон, далв буржидагилар номсиз, саратон, ақраб, ҳутлар жимжилоққа тақишлари ўринли.
Зирак танлаймиз!
Тақинчоқнинг бу турини тақишда бир қанча қоидаларга амал қилиш талаб этилади. Аввало ҳаммаси қулоқни тўғри тешишга боғлиқ. Чунки қулоқ солинчагида тил, ички қулоқ, юз, бодомча безларининг биологик фаол нуқталари жойлашган. Муолажани амалга ошириш учун мутахассисга — рефлексолога мурожаат этиш лозим.
Зиракларга келсак, у қадар йирик бўлмаганларини танлаган маъқул.
