Испания чемпионати 22-турида “Барселона” сафарда “Алавес” меҳмони бўлиб, 6:0 ҳисобидаги йирик ғалабани қўлга киритди.
Муваффақият билан бирга каталонияликлар ҳимоячисидан ҳам айрилди. Учрашув якунига етиб бораётган бир вақтда “Алавес” аъзоларидан бири “Барселона” ҳимоячиси Алейш Видальга ўта оғир жароҳат етказди, деб ёзади Sports.uz.
Футболчи тиббий кўрикдан ўтгач, унинг сафга қайтиш муддати аниқ бўлади. Аммо суратда кўриниб турганидек, жароҳат жуда жидий. Ўйиндан сўнг Франсуа жароҳат етказгани учун Видальдан кечирим сўрашини айтган: "Видаль қандай ҳолатдалигини кўрмоқчиман ва ундан кечирим сўрамоқчиман".
