Зоран Мамич: “Бунёдкор” таркибида Нурматов, Ҳамдамов ва Шомуродов хавфли футболчилар саналади

Осиё Чемпионлар Лигаси “С” гуруҳи 2-туридан ўрин олган “Бунёдкор” – “Ал-Айн” учрашувни олдидан ташкил этилган матбуот анжуманида дастлаб амирликлар бош мураббийи Зоран Мамич ҳамда ҳужумчи Данильо Асприлла иштирок этди.

“Бизни қийин ўйин кутиб турибди. “Бунёдкор” шаклланган жамоа, улар жамоавий ўйин орқали яхши натижага эришади. Дастлабки турда “Зоб Аҳан”га қарши ўйинда очко йўқотдик, аммо бугун ғалаба қозониш учун ҳаракат қиламиз, мақсадимиз шундан иборат. “Бунёдкор” таркибида Шаҳзодбек Нурматов, Достонбек Ҳамдамов ва Элдор Шомуродов хавфли футболчилар саналади.

“Ал-Айн” ҳимоядан ўйнамайди, биз рақибга нисбатан кўпроқ гол уришга ҳаракат қиламиз. Рақиб сифатли ўйин намойиш қилса-да, эртага ғалаба учун майдонга тушишимизни яна бир бор айтиб ўтмоқчиман. Бўлажак ўйинда ким фаворит эканини айтиш қийин”, – деди Зоран Мамич.

“Ўйин жуда муҳим эканини мураббий ҳам айтди. Бугунги ўйинга тайёрмиз, ғалаба қозонишимиз керак. “Бунёдкор” сафида кучли футболчилар бор, аммо мақсадимиз фақат ғалаба”, — деди Асприлла.

Эслатиб ўтамиз, “Бунёдкор” ва “Ал-Айн” ўртасидаги учрашув бугун, 28 февраль куни Тошкентдаги “Бунёдкор” стадионида бўлиб ўтади. Ўйин 18:00 да старт олиши режалаштирилган.