“Манчестер Юнайтед” жамоаси ҳужумчиси Златан Ибрагимович клуб мухлислари томонидан февраль ойининг энг яхши футболчиси деб топилди.
“Қизил иблислар” расмий сайтида бўлиб ўтган сўровнома натижасига кўра, швециялик форвардга 79% респондент овоз берди ва Генрих Мхитарян ҳамда Поль Погбадан ўзиб кетди.
Февраль ойида Златан 7 ўйинда 7 та гол урди. Унинг “Саутгемптон” дарвозасига киритган дубли “МЮ”га Англия Лига Кубогини олиб келди.
