Франциянинг машҳур France Football нашри 2016/17 йилги мавсумда энг кўп даромад топган футболчилар рейтингини эълон қилди. Рўйхат футболчининг маоши, бонуслари ва рекламадан тушадиган даромадини инобатга олган ҳолда тузилган.
Португалия терма жамоаси ва “Реал” клуби форварди Криштиану Роналду жорий мавсумда 87,5 млн евро ишлади ва рейтингда етакчиликни қўлга олди.
Иккинчи ўрин “Барселона” клуби ва Аргентина термаси ҳужумчиси Лионель Мессига насиб қилди. У жорий мавсумда 76,5 млн евро даромад қилди. “Барселона”нинг яна бир аъзоси – бразилиялик иқтидорли ҳужумчи Неймар 55,5 млн евро билан кучли учликка якун ясади.
Қуйида энг кўп даромад топган бешта футболчи билан танишиб олинг.
2016/17 йилги мавсумнинг энг сердаромад футболчилари ТОП-5
1. Криштиану Роналду (“Реал”) – 87,5 млн евро
2. Лионель Месси (“Барселона”) – 76,5 млн евро
3. Неймар (“Барселона”) – 55,5 млн евро
4. Гарет Бэйл (“Реал”) – 41 млн евро
5. Эсекиэль Лавесси (“Хэбэй Чайна Форчун”) – 28,5 млн евро
