2017 йилнинг 26 март куни соат 17:05 да Тошкент вилояти, Бўстонлиқ тумани, Учтерак қишлоғи ҳудудидан ўтувчи 4R6 “Тошкент-Чирчиқ-Чимён” автомобил йўлининг 69-км.да “Ғазалкент-Чимён” йўналишида 2 метр кенгликдаги, узунлиги 15-20 метр бўлган йўлнинг қатнов қисмида кўчки юзага келди. Бу ҳақда Ўзбекистон Республикаси ИИВ ЙҲХББ Матбуот бўлинмаси хабар қилади.
2017 йилнинг 27 март куни соат 09:00 ларда ушбу кўчки содир бўлган жойнинг майдони 4-4,5 метр кенгликка ва 35-40 метр узунликка катталашган.
Содир бўлган кўчки оқибатида маҳаллий ахолига ва турар-жой биноларига зарар этмаган.
Табиий офат оқибатлари бартараф этилгунга қадар 4R6 “Тошкент-Чирчиқ-Чимён” автомобил йўлининг 58-км.дан 71-км.гача автомобилларнинг ҳаракатланиши тўхтатилди.
