Филиппиннлик 29 ёшли қиз кетма-кет ўтказилган 3 операциядан кейин вафот этди, деб хабар берди Vesti.ru нашри.
Ширил Сатурнино 25 март куни Мандалуон шаҳридаги Icon шифохонасига келди. Кечки соат бешда бошланган операция тунги учда якунланди.
Операцияни тугатаётган врачлар қизнинг юраги уришдан тўхтаганини кўрди. Ўтказилган реанимация муолажасига қарамай, Ширилни қутқаришнинг иложи бўлмади.
28 март куни шифохона маъмурияти қизнинг ўлимига нима сабаб бўлганлигини аниқлаш юзасидан барча-чора тадбирлар кўрилаётганлигини, ҳаммаси суд-тиббиёт экспертизасидан кейин аниқ бўлишини, унинг ўлимига тиббиёт ходимлари сабаб бўлган бўлса, қонуний чора кўрилишини маълум қилди. Сатурнино мазкур шифохонанинг доимий мижози бўлиб, илгари ҳам бир неча маротаба пластик операцияни бошдан кечирган.
