Биз учун одатий, кундалик ҳаётимизнинг ажралмас қисми бўлган нарсалар Шимолий Корея аҳли учун мумкин бўлмаган тақиқ ҳисобланади, деб хабар берди Interesno.cc нашри.
Шимолий Кореядаги қандай тузум ҳукмронлиги, Ким Чен Иннинг кимлиги ҳаммага яхши маълум. Ҳар куни бажарадиган, биз учун одатий ҳол бўлган ҳаракатларимиз учун Шимолий Кореяда қамоққа олинишимиз ёки қатл этилишимиз мумкин.
Қуйида сизни Шимолий кореяликлар учун тақиқланган нарсалар билан таништирамиз.
Спиртли ичимлик истеъмол қилиш
2013 йилда Ким Чен Ир вафоти туфайли 100 кунлик мотам пайтида спиртли ичимлик истеъмол қилган ҳарбий зобит Ким Чен Ирни ҳурмат қилмаганликда айбланиб, ўлим жазосига ҳам ҳукм қилинди.
Телевизор томоша қилиш
Ўтган йили Шимолий Кореяда 80 нафар одам Жанубий Кореянинг телевизион шоусини томоша қилганликда айбланиб, оммавий равишда қатл этилди.
Автомобиль бошқариш
Фақатгина давлат амалдорларигина автомобиль бошқариш ҳуқуқига эга. Шимолий кореялик одамларнинг ҳар 100 тадан биттасида автомобиль бор.
Мусиқа эшитиш
Кэти Перри ёки Тейлор Свифт, бирор чет эл хонандаси фақатгина шавкатли Ким Чен Ир ҳақида қўшиқ айтсагина, мазкур ашулани тинглашга рухсат берилади.
Чет элдаги одамлар билан мулоқот қилиш
Агар халқаро қўнғироқни амалга оширадиган бўлсангиз, сизни ўлим жазоси кутади. 2007 йилда бир қанча халқаро қўнғироқларни қабул қилган эркак омма олдида, стадионда отиб ўлдирилди. Яна 6 киши қатл амалга оширалаётган пайт вужудга келган тиқилинчда ҳалок бўлди.
Ўз фикрига эга бўлиш
Тузумни танқид қилган ҳар қандай одам зудлик билан “тарбия” лагерига юборилади.
Мамлакатдан чиқиб кетиш
Шимолий Кореяни тарк этган фуқаронинг ортидан дарров айғоқчилар йўлга тушади.
Динга итоат этиш
Шимолий Корея фуқароларига дин эркинлиги берилган, деб эълон қилинган бўлса-да, Инжилни тарқатганликда айбланган аёл омма олдида қатл этилган.
Порнофильм томоша қилиш
Порнофильмни томоша қилган ва тарқатган одамга сўзсиз ўлим жазоси берилади.
Интернатдан фойдаланиш
Шимолий Кореяда интернетга ўхшаш портал мавжуд, у фақатгина давлат сиёсатини тарғиб қилади.
