Етим қолган жиянларини асраб олган чувашиялик аёл уч нафар болани сочидан судраб, калтаклаганликда айбланмоқда, деб хабар берди Ria.ru нашри.
1999 ва 2004 йилда туғилган қизлар ва 2005 йилда туғилган болалар ота-онасидан айрилгандан кейин 2012 йилда холасининг қарамоғига ўтказилган. Аёл 4 йил мобайнида жиянларини аёвсиз калтаклаб, уларни турли қийноқларга солиб келган. Болаларни калтаклашига арзимаган нарсалар — кийимини кир қилиш, мактабда ёмон баҳо олиш, ўрдакчаларнинг ўлиб қолиши каби воқеалар сабаб бўлган. Болаларнинг икки нафари уйдан қочиб кетган, аммо полициячилар уларни тутиб келган.
Айни пайтда 42 ёшли аёлга нисбатан жиноий иш қўзғатилиб, қонуний чора кўриш учун судга юборилган.
