АҚШ вице-президенти Майкл Пенснинг хавфсизлигига жавоб берувчи АҚШ махфий хизмати ходими Мэриленд штатидаги меҳмонхоналардан бирида фоҳиша билан учрашганда қўлга тушди, деб хабар берди, lenta.ru нашри.
Ходим вақтинча вазифасидан четлаштирилди. Воқеа ўтган ҳафтанинг охирида рўй берди. Меҳмонхона маъмури хоналардан бирида шовқин эшитилаётгани ҳақида полицияга хабар берди. Етиб келган ҳуқуқ-тартибот идораси ходимлари эркакни қўлга олди.
Манбанинг хабар беришича, ўша куни махфий ходим иш жойида бўлиши лозим бўлган. Махфий ходимнинг шахсан ўзи бўлиб ўтган воқеадан раҳбариятини огоҳ қилди. Унга нисбатан шилқимлик айблови қўйилди. Махфий ходим маъмурий таътилга чиқарилиб, махфий ахборотлардан фойдаланиш ҳуқуқи чегараланди.
АҚШ махфий хизмати ходимлари бундан илгари ҳам бир неча маротаба жанжал-тўполон марказида қолган. АҚШнинг собиқ президенти Барак Обама бундай жанжаллардан кейин уларнинг таркибини бутунлай янгилаган эди. 2015 йилнинг март ойида икки нафар махфий хизмат ходими хизмат машинасини маст ҳолатда бошқариб, Оқ уйнинг деворига келиб урилган эди.
АҚШ махфий хизмати мамлакат президенти ва унинг оиласи, шу билан бирга собиқ президентларнинг оиласи хавфсизлигини таъминлаш билан шуғулланади.
