Британиянинг Йоркшир шаҳрида яшовчи Жек Рейнольдс ўзи яшаётган шаҳар тез тиббий ёрдами учун самолёт харид қилмоқчи. Бунинг учун у болалар ўйингоҳидаги аттракционда учиб пул йиғмоқчи. Гап шундаки, 105 ёшли пенсионер Жек Рейнольдс атракционда учган энг кекса киши бўлди. Шунинг учун ҳам у Гиннеснинг рекордлар китобига киритилди.
Рейнольдснинг айтишича, туғилган кунини нишонлаётганида унда муҳим бирор нарса учун пул йиғиш истаги туғилди. Британиялик ўз режасини батафсил тушунтириб, интернетда акция ўтказди. Шундан сўнг 105 ёшли пенсионер яқинлари билан истироҳат боғига бориб, ваъдасининг устидан чиқди.
