Мадриднинг "Реал" жамоаси футболчилари "Атлетико"га қарши ўйин олдидан бош мураббий Зинедин Зидан билан учрашишган. Бу ҳақда Uff.uz нашри маълум қилмоқда.
Роналдуни асосий таркибда майдонга туширмасликни сўраб мурожаат қилган футболчилар сони талайгина. Don Balon нашрининг ёзишича, улар Гарет Бейл, Лука Модрич, Тони Кроос бўлса, бир қатор ёш футболчилар – Алваро Мората, Марко Асенсио ва Лукас Васкес ҳам Зидан билан учрашиб, жамоа формасини йўқотаётганидан нолишган.
Футболчиларнинг таъкидлашича, номдор юлдузларнинг даври ўтган, энди ёшларга ҳам жой бериш керак. Асосий таркибни танлаётганда Зидандан шунга эътибор беришни илтимос қилишган.
