Собиқ шўро танкининг двигатели ўрнатилган немис мотоцикли
Германияда ўтказилган кўргазмада Зилла қишлоғида яшовчи болалар собиқ шўро танкининг двигатели ўрнатилган улкан мотоциклни намойиш этишди. Бундай улкан мотоцикл яратиш ғояси HarzerBike’да яшовчиТило Нёйбелдан чиқди. Баландлиги 5,8 метр бўлган аппаратга Т-55 танкининг 12 цилиндрли двигатели ўрнатилди. KatharinadieGroße (Буюк Екатерина) деб номланувчи мазкур мотоциклнинг эни 2,8 метр бўлган кажаваси мавжуд бўлиб, оғирлиги 4,3 тоннани ташкил этади. Шунинг учун ҳам у дунёнинг энг оғир мотоцикли сифатида “Гиннеснинг рекордлар китобига” кирган.
Дунёнинг энг хасис одами
1916 йилнинг 3 июлида дунёнинг энг хасис аёли, деб тан олинган Генриетта Хоулэнд Гетти Грин оламдан ўтган. “Уолл-стритлик ялмоғиз”, деб ном берилган бу аёл хасисликдан эмас, балки 81 ёшда юрак хуружидан вафот этди. У Гиннесснинг рекордлар китобига “Дунёнинг энг хасис одами” сифатида киритилган. Гетти вафот этган пайтда у дунёнинг энг бой одами ҳисобланиб, ўша пайтда унинг бойлиги 4 миллиард доллар бўлган. Аёлнинг 8 мингта ер учатскаси бўлган, темирйўлга боғлиқ акция компанияларини сотиб олганига қарамай, хасислик билан ном қозонган.
Дунёнинг энг кекса мушуги
АҚШнинг Техас штатида яшовчи “Скутер” лақабли мушук дунёнинг энг кекса мушуги сифатида эътироф этилган. Скутер 1986 йилнинг 26 мартида туғилган. Гэйл Флойд исмли аёл уни асраб олганда мушук бир ойлик бўлган, у ҳозиргача эгаси билан бирга бахтли ҳаёт кечирмоқда. Мушук эгасит Гейл билан бирга 45 та штатда бўлди, уларнинг мазкур натижада тўхтаб қолиш ниятлари йўқ. 2005 йилда вафот этган Крим Пафф лақабли мушук ҳам дунёнинг энг кекса мушуги, деб тан олинган бўлиб, у 38 ёшда вафот этган.
Дунёдаги энг баланд бўйли қиз
Туркияда яшовчи 17 ёшли Румеиса Гелги (Rumeysa Gelgi)нинг бўйи 2 метру 13 сантиметр бўлиб, у расман дунёнинг энг баланд бўйли қизи, деб тан олинган. Румеиса Гелги ўна шаҳри Сафранболуда “Гиннесснинг рекордлар китоби”га бағишлаб ўтказилган махсус тақдимот маросимида мукофотга сазовор бўлди.
Шишадаги энг кўҳна нома
2012 йилда шотланд балиқчиси томонидан денгиздан топилган хат солинган шиша “Шишадаги энг кўҳна нома” сифатида Гиннесснинг рекордлар китобига киритилган. Мазкур хат 1914 йилнинг июнь ойида ёзилган эди. Орадан икки йил ўтиб, 2014 йилда эса немис балиқчиси олдинги рекорддан бир йил илгари ёзилган — ичига 1913 йил 17 майда ёзилган хат солинган шишани топди. Хатни Биринчи жаҳон уруши бошланишидан бир йил олдин Ричард Платц ёзган. У мазкур урушда ҳалок бўлган.
