— Бир дўстим соч турмаклатганда турли хил чизиқлар, нақшлар чиздириб олади. Динимизда бунга қандай қаралади?
Саволга Тошкент шаҳар, Шайхонтоҳур туман бош имом хатиби, «Шайх Зайниддин» жоме масжиди имом хатиби Одилхон қори ЮНУСХОН ўғли жавоб берди.
— Мусулмон одам сочини мусулмонларга ўхшаб тарайди, турмаклайди. Ўзга дин ва маданият вакилларига кўр-кўрона тақлид қилиш, менталитетимизга, миллий қадриятларимизга тўғри келадими, келмайдими, ўйламай-нетмай ўшалар ортидан эргашиш тўғри эмас. Ҳадиси шарифда айтилишича, ким тириклигида қайси қавмга ўхшашга ҳаракат қилса, қиёматда ўшалар билан бирга бўлади.
