Самарқанд вилояти “Иссиқлик манбаи” давлат унитар корхонаси ва Финляндиянинг “FCG Desing and Engineering Ltd” компанияси вакиллари иштирокида ўтказилган матбуот анжуманида шаҳарда иссиқлик манбаини тиклаш юзасидан маълумот берилди, деб хабар беради Самарқанд вилояти ҳокимлиги расмий сайти.
2018-2022 йиллар давомида Самарқанд шаҳридаги кўп қаватли уй-жойлар ва ижтимоий соҳа объектларини иссиқлик энергияси билан таъминлаш, иссиқлик тизимларини модернизация ва реконструкция қилиш бўйича техник лойиҳа ишлаб чиқилган.
“ Кўп қаватли уйларнинг аксарият қисмида ички иссиқлик узатиш тармоқ ва ускуналари ишламаётганлиги сабабли “Иссиқлик манбаи” қуввати 40 фоизга тушиб қолган, - дейди Самарқанд шаҳар ҳокими ўринбосари Ў.Абдуллаев. – Эндиликда қозонхоналардан бошлаб, аҳоли хонадонларигача бўлган барча жиҳозлар модернизация ва реконструкция қилинади. Марказлашган ҳолда иссиқлик энергияси билан таъминловчи 11 марказий иссиқлик узатувчи қозонхона, 26 та локал қозонхоналар шулар жумласидан”.
Шунингдек, яна 49 та кичик локал қозонхона қуриш, 146, 5 километр тармоқларни реконструя қилиш 853 та кўп қаватли уйларни ички иссиқлик узатиш тармоқларини реконструкция қилиш ишлари режалаштирилган. Мазкур ишлар учун жаҳон банкининг 88,3 миллион АҚШ доллари миқдоридаги маблағи сарфланади.
