Франциянинг янги президенти Эммануэль Макрон ўтган ҳафтада бутун дунё ҳамжамияти диққат-эътибори марказида бўлди. гап шундаки, Франциянинг янги президенти ўзидан 24 ёш катта бўлган собиқ ўқитувчисига уйланган. Эммануэль 15 ёшида Бриджит исмли ўқитувчини севиб қолган. У биринчи муҳаббатининг висолига эришишни узоқ йиллар сабрсизлик билан кутди.
Эммануэль 17 ёшга тўлган пайтда Бриджитга қарата: “Нима қилсангиз ҳам, мендан ўзингизни қанча олиб қочсангиз ҳам, мен барибир сизга уйланаман”, деган эди.
Ўша пайтда Бриджит турмуш ўртоғи билан уч нафар фарзандни вояга етказаётган эди. У собиқ ўқувчисининг изҳорини шунчаки хавасга йўярди.
Бироқ, Эммануэль ва Бриджитнинг муносабатлари кутилмаганда янги бурилиш касб этди.
2007 йилда Бриджит эри билан ажрашди ва Эммануэлга турмушга чиқди.
Янги эри боши билан сиёсатга шўнғиганида мадам Макрон Париждаги диний мактабда дарс бериш билан шуғулланди.
Жуфтликнинг фарзандлари йўқ, бироқ Эммануэл рафиқасининг невараларини ўзиникидек кўради, уларга самимий меҳр кўрсатади.
Макроннинг болалар бутилкаси билан сайр қилаётган суратлари босма нашрларда чоп этилгач, сайловчи аёллар унинг меҳрибонлиги ва ғамхўрлиги олдида “таслим бўлишди”.
Бриджит ҳам Франциянинг модага оид журналлари томонидан “услуб қироличаси” таърифига лойиқ кўрилган.
