Фарғона вилояти ҳокимининг ташаббуси билан Ўзбекистон автомобил ва дарё транспорти агентлиги Фарғона вилояти бўлимининг кўмагида вилоятимизнинг энг чекка ҳудуди бўлмиш Фарғона туманининг Шоҳимардон қишлоғини Вилоят маркази Фарғона шаҳри билан боғловчи “Шоҳимардон-Фарғона” автобус йўналиши қайта йўлга қўйилди.
Ушбу йўналиш Фарғона шаҳрида фаолият кўрсатаётган “Фарғона Олтин Водий Навкари” МЧЖ томонидан амалга оширилмоқда. Бугунги кунда ушбу йўналишда 2 дона Исузу САЗ НП 21 русумли автобуслар аҳолига хизмат кўрсатишни бошлади, дея хабар беради Ўзбекистон автомобил ва дарё транспорти агентлиги Ахборот хизмати.
2013 йил август ойидан бери автобус қатнови тўхтаб қолган ушбу йўналишни 2017 йил 25 апрель кунидан бошлаб йўлга қўйилганидан Шоҳимардон халқининг хурсандчилиги чексиз, – дейди “Фарғона Олтин Водий Навкари” МЧЖ ишлатиш бўлими бошлиғи Валижон Собиров.
Бугунги кунда корхона томонидан аҳолининг талаб-эхтиёжига қараб туриб ушбу йўналишда ишловчи автобуслар сонини 4 донагача етказиш режалаштирилмоқда.
Автобус йўналишини йўлга қўйилиши натижасида Шоҳимардан аҳолисини туман, вилоят маркази ва вилоятнинг бошқа ҳудудлари билан алоқани яхшилаш, талабларни ўқув масканларига, аҳолини даволаниши учун шифохоналарга келиб-кетишларига ва бошқа юмушларни бажаришларига қулай шарт-шароитлар яратилди.
