Мазкур қишлоқ ўзининг ёрқин ранглари билан дунёдаги бошқа қишлоқлардан ажралиб туради, деб хабар беради Tjournal.ru нашри.
Индонезиядаги Кампунг Пеланги номли қишлоқнинг маъноси “Камалак қишлоқ”, деб таржима қилинади. Бу қишлоқда мавжуд бўлган 232 та уйнинг барчаси турли ранглар ва бўёқлар билан безатилган.
Ҳукумат сайёҳларнинг эътиборини тортиш мақсадида қишлоқ аҳолисига уйларни таъмирлаш ва бўяш ишларида молиявий ёрдам кўрсатади. Бу мазкур доирадаги илк лойиҳа эмас, яна бир қанча “Камалак қишлоқ”лар мавжуд бўлишига қарамай, айнан юқоридаги қишлоқ сайёҳлар орасида машҳурдир. Қуйидаги фотосуратларни томоша қилгач, бунга ўзингиз ҳам амин бўласиз.
