Бугун кечқурун Францияда Канн фестивали ўз ишини бошлайди, деб хабар берди 1tv.ru нашри.
Бу йил Канн фестивали ўзининг 70 йиллигини нишонлайди. Францияга ҳаммадан илгари италиялик актриса Моника Белуччи етиб келди. У мазкур тадбирнинг очилиши ва ёпилишида бошловчилик қилади. Асосий мукофот учун 18 та фильм кураш олиб боради. Улар орасида дунёга машҳур София Коппола, Франсуа Озон, Мишель Хазанавичус, Михаэль Ханэкеларнинг фильмлари мавжуд. Обрўли ҳакамлар ҳайъатига “Олтин пальма новдаси” мукофоти совриндори испаниялик режиссёр Педро Альмодовар раҳбарлик қилади.
