12 майдан бошлаб ишчи номи “Мафтунингман-2” бўлган фильмни суратга олиш ишлари бошланди. “Dono Productions” кинокомпанияси навбатдаги йирик кино лойиҳага қўл урди.
2016 йилнинг ёз ойларида “Мафтунингман-2” фильмига кастинг эълон қилинган ва актёрлар танлови бутун мамлакат бўйлаб, ҳар бир вилоят марказида ташкил этилганлиги ҳақида хабар бергандик. Кастингда жами 2 000 нафар номзод қатнашган.
Актёрлик маҳоратини исботлай олган номзодлар фильмда иштирок этмоқда. Суратга олиш ишлари республика бўйлаб амалга оширилади. Постановкачи режиссёр – Абдувоҳид Ғаниев.
Фильмнинг иккинчи режиссёри Дилбар Юсупова билан боғланганимизда фильмга асосан янги қаҳрамонлар жалб қилинганлигини фақатгина режиссёр образи “Иснод” картинаси орқали барчага танилган актёр Шоҳруҳ Ҳамдамовга топширилганлигини маълум қилди.
Мутлақо янги ва ўзгача талқинда яратилган фильм воқеалари томошабинни бефарқ қолдирмаслиги аниқ.
Қуйида эътиборингизга 12-17 май кунлари Бойсунда бўлиб ўтган суратга олиш жараёнларидан кадрлар ҳавола этилмоқда.
