Бразилия пойтахтида чоршанба куни рўй берган тартибсизликлар оқибатида етти вазирлик биноси жиддий зарар кўрди, деб хабар берди Ria.ru нашри.
Намойишчилар режалаштириш, соғлиқни сақлаш, молия, маданият, меҳнат, фан ва техника, қишлоқ хўжалик вазирликларининг биноларини вайрон қилди. Номлари келтирилган вазирликларнинг баъзиларига ўт қўйилди.
Ҳукумат вазирлик ходимларини тўлиқ эвакуация қилди. Айни пайтда вазирликлар биносини 1,5 минг нафар ҳарбий аскар қўриқламоқда. Мамлакат хавфсизлик хизмати вазирлиги берган маълумотга кўра, тартибсизликда айбланган тўрт киши қўлга олинган.
Чоршанба куни Бразилия президенти Мишел Трамерга қарши норозилик намойиши бўлиб ўтди. Намойиш қатнашчилари президентнинг истеъфога чиқишини ва муддатидан илгари президент сайлови ўтказишни талаб қилди. Мазкур норозилик намойишида 150 минг нафарга яқин одам иштирок этди.
