Бразилиялик эркакнинг қўл панжаси ишлаб чиқариш жароҳати оқибатида узилиб кетди, деб хабар берди Ntv.ru нашри.
Аммо шифокорлар узилган қўл панжасини олиб ташламай, сақлаб қолишга ҳаракат қилди. Карлос Мариоттининг панжаси тери билан қопланиши учун унинг қорнига “чўнтак” каби тикиб қўйилди. Бемор шу ҳолатда 42 кун юрди. Натижада қўл панжасининг усти тери билан қопланиб, қўлқоп кийганга ўхшаб қолди. Карлос энди шифокорларнинг операция орқали қўл бармоқларини ажратишини кутмоқда.
