Ўзбекистон миллий терма жамоаси бош мураббийи Самвел Бабаян Таиландга қарши ўртоқлик ўйини ва Эронга қарши ЖЧ–2018 турнирига саралаш босқичи 8-тур ўйинларига 28 футболчини жалб қилгани хабар берилганди.
Sports.uz нашрининг ЎФФ матбуот хизматига таяниб маълум қилишича, Ўзбекистон терма жамоасининг 3 нафар ҳимоячиси – Ислом Тўхтахўжаев (“Локомотив” Тошкент), Виталий Денисов (“Локомотив” Москва) ҳамда Александр Мерзляков (“Қўқон-1912”) клуб машғулотларида орттириб олган жароҳатлари туфайли Таиланд ва Эронга қарши учрашувларни ўтказиб юборади.
Қайд этиш керакки, Виталий Денисов Қатарга қарши ЖЧ–2018 турнири 7-турида ҳам майдонга туша олмаганди.
Эслатиб ўтамиз, Эрон – Ўзбекистон учрашуви 12 июнь куни Теҳрондаги “Озоди” стадионида бўлиб ўтади. Ўйин Тошкент вақти билан 21:45 да бошланиши кўзда тутилган.
